Azərbaycan Qazaxıstanda “Yeni İpək Yolu” forumunda təmsil olunub

Qazaxıstanın Almatı şəhərində “Yeni İpək Yolu” VII Beynəlxalq Nəqliyyat və Logistika Biznes Forumu keçirilib.

Globalart.az “AZƏRTAC”a istinadən xəbər verir ki, аorumda Azərbaycanı Rəqəmsal İnkişaf və Nəqliyyat nazirinin müavini Rəhman Hümmətovun rəhbərlik etdiyi nümayəndə heyəti təmsil edib. Tədbirdə beynəlxalq nəqliyyat sahəsində əməkdaşlığın gücləndirilməsi, logistika imkanlarının artırılması və nəqliyyat dəhlizlərinin inkişafı əsas müzakirə mövzuları olub.

Tədbir zamanı bir sıra əhəmiyyətli sənədlər imzalanıb. Bunlar arasında TMTM üzrə dəmir yolu seqmentində mövcud çətinliklərin aradan qaldırılmasına dair tədbirlər planı, Trans-Xəzər marşrutu ilə bağlı görüş protokolu və Türk Dövlətləri Təşkilatına üzv ölkələrin nazir görüşünün yekun kommünikesi yer alıb.

Globalart.az