30-cu Ölkə birinciliyi keçirilib
Sentyabrın 20-21-də Şəki Olimpiya İdman Kompleksində bədii gimnastika üzrə 30-cu ölkə birinciliyi keçirilib. Yarış qarşıdan gələn III MDB Oyunları öncəsi sınaq xarakteri daşıyıb. Globalart.az Gənclər və İdman Nazirliyinə istinadən xəbər verir ki, olkənin müxtəlif bölgələrini təmsil edən 13 klubdan 130 gimnast birincilikdə iştirak edib. Onlar balacalar, yeniyetmələr və gənclər yaş kateqoriyaları üzrə fərdi və qrup hərəkətləri proqramlarında – halqa, top, lent və gürzlərlə çıxış ediblər.
Yarışın ikinci günündə 2013-2014-cü il təvəllüdlü yeniyetmələr arasında Amina Novruzova (BGM) birinci, “Ocaq Sport” klubundan Mişel Aniskina ikinci, Sara Atakişiyeva isə üçüncü yeri tutublar.
2012-ci il təvəllüdlü yeniyetmələr arasında “Ocaq Sport” klubunun gimnastı Gülnur Məmmədli qalib gəlib. Onun klub yoldaşı Məryəm Baloğlanova ikinci, BGM təmsilçisi Zəhra Tahirova isə üçüncü olublar.
Gənclər arasında “Ocaq Sport” klubunun gimnastı Azadə Atakişiyeva birinci, Şəms Ağahüseynova ikinci, Zirə Mədəniyyət Mərkəzinin gimnastı Fidan Qurbanlı isə üçüncü yeri tutublar.
Globalart.az
