Adidas və dəbin sintezi
Adidas və moda dünyası: hər ikisi ritm, hər ikisi nəfəs, hər ikisi insanın özünü ifadə etmək istəyinin parıldayan aynasıdır. Bir tərəfdə idman meydanlarının tozu, gücü, təkanı; digər tərəfdə catwalk-ların işığı, zərifliyi, xəyalı… Bu iki aləm bir-birinə toxunanda yaranan harmoniyada bəşər ruhunun xəzinəsi gizlənir.
Globalart.az bildirir ki, Adidas sadəcə bir marka deyil. O, hər addımın ritmidir. Səhər günəşinin ilk şüasıylayürüyüşə çıxan gəncin ayağında, yağışlı küçədə öz yolunu seçən qadının çantasındadır, şəhərin səs-küyündə özünə meydan oxuyan yaradıcının üslubundadır. Hər xətti, hər üç zolağı sanki “davam et”, “yüksəl”, “öz ol” deyən bir səs kimi qulağa pıçıldayır. Onun dizaynında sadəlik var, amma o sadəliyin arxasında güc gizlənir. Onun rahatlığında özünü tapmaq hissi var, amma o hissənin arxasında illərin təcrübəsi, insanların qələbəsi, zəhməti, mübarizəsi yatır.
Moda dünyası isə sonu olmayan bir nağıl kimidir. Hər kolleksiya yeni bir hekayə danışır, hər dizayn yeni bir duyğu oyadır, hər parça insanın daxili aləminin pıçıltısına çevrilir. Orada sərhədlər yoxdur, yalnız xəyal var, yalnız yaradıcılıq var, yalnız gözəllik var. Moda dəyişir, amma heç vaxt öz ruhunu itirmir, çünki o, yenilənməyin, özünü ifadə etməyin və fərqlənməyin simvoludur.
Bu iki aləm bir-birinə toxunduğu zaman isə yaranan harmoniyanın poetikliyi sözlə ifadə olunmaz. Çünki Adidas moda dünyasına sadəcə idman estetikası gətirmir. O, dinamika gətirir, enerji gətirir, səmimiyyət gətirir. Moda isə Adidasın gücünə zəriflik gətirir, funksionallığa estetika qatır, sadəliyi sənət əsərinə çevirir. Adidas bu nağılın içində xüsusi bir yer tutur. Çünki o, idman enerjisini moda zərifliyi ilə elə bir birləşdirir ki, ortaya həm güclü, həm yumşaq, həm sadə, həm də heyrətləndirici bir üslub çıxır. Bir kəməri bağlayan gəncin qətiyyəti ilə bir dizaynerin xəttlərinin poetik incəliyi eyni ritmdə çalınır.
Beləcə, Adidas ilə moda dünyası bir-birini tamamlayır, ruhu ruhla, addımı xəyal ilə, gücü gözəllik ilə birləşdirir. Və məncə, bu harmoniyada insanın özünü tapmaq sevincindən daha poetik heç nə yoxdur. Onların sintezində isə bəşər ruhunun əsrarəngiz gözəlliyi ortaya çıxır: güc ilə zərifliyin, sadəlik ilə təxəyyülün, hərəkət ilə sənətin sarsılmaz birliyi.
Adidas son illərdə moda dünyası ilə güclü əməkdaşlıqlar quraraq böyük uğurlar qazanmışdır. AVAVAV, Kaf by Kaf və bir çox dizayner ilə birgə layihələr podyumlarda diqqət mərkəzinə çevrilib. Bu əməkdaşlıqlar idman estetikası ilə yüksək moda anlayışını bir araya gətirib. Adidas artıq sadəcə idman brendi deyil, moda və yaradıcılıq platforması kimi tanınır. Beləliklə, marka həm güc, həm zəriflik, həm də modern üslub ilə özünü daim yeniləyərək moda dünyasında öz yerini möhkəmləndirir.
