AMB baş direktoru Fuad İsayev görüş keçirib

Azərbaycan Mərkəzi Bankının (AMB) baş direktoru Fuad İsayev Azərbaycan Mikromaliyyə Assosiasiyanın rəhbərliyi, ona üzv olan və digər bank olmayan kredit təşkilatlarının rəhbər heyəti ilə görüşüb.

AMB-dən Globalart.az-a bildirilib ki, görüş iştirakçılarına cari ilin doqquz ayı üzrə bank olmayan kredit təşkilatlarının fəaliyyətinin maliyyə nəticələri, requlyativ çərçivənin təkmilləşdirilməsi, eləcə də sektorun sağlamlaşdırılması istiqamətində görülmüş işlər barədə məlumat verilib. Əlavə olaraq maliyyələşmə imkanlarının genişləndirilməsi, dövlət fondları ilə əməkdaşlıq, təşkilatların regionlarda, eləcə də işğaldan azad olunmuş ərazilərdə və Naxçıvan Muxtar Respublikasında fəaliyyət perspektivləri, qanunvericiliyin tələbləri və digər məsələlər ətraflı müzakirə edilib.

Görüşdə, həmçinin Mərkəzi Bank tərəfindən bank olmayan kredit təşkilatlarının institusional gücləndirilməsi, eləcə də fəaliyyət istiqamətlərinin genişləndirilməsi və dayanaqlılığının təmin olunması çərçivəsində növbəti dövrdə görüləcək işlərə dair məlumat təqdim olunub.

Globalart.az