Asiya Kuboku: Azərbaycanın iki cüdoçusu medal qazanıb

Tacikistanın paytaxtı Düşənbədə cüdo üzrə yeniyetmələr arasında Asiya Kuboku start götürüb.

Globalart.az xəbər verir ki, beynəlxalq turnirdə 2 cüdoçumuz fəxri kürsüdə yer alıb. 60 kiloqram çəki dərəcəsində çıxış edən Məhəmmədəli Hüsiyev gümüş, 50 kiloqram çəkidə mübarizə aparan Devid Mahmudov isə bürünc medal qazanıb.

Ölkəmiz turnirdə yeniyetmə oğlanlardan ibarət yığma komandamızın baş məşqçisi Emin İskəndərovun rəhbərliyi altında 3 cüdoçu ilə təmsil olunub.

Globalart.az