Avrasiya Gənc İş Adamları Forumu keçirilib

Globalart.az Azərbaycan Respublikasının Gənclər və İdman Nazirliyinə istinadən xəbər verir ki, “Gənc MÜSİAD”ın təşkilatçılığı ilə Avrasiya Gənc İş Adamları Forumu (EYBF2025) işə başlayıb. Tədbirdən əvvəl Vətən müharibəsi şəhidlərinin xatirəsi bir dəqiqəlik sükutla yad edilib, Azərbaycan və Türkiyənin Dövlət himnləri səsləndirilib. Ardınca “Gənc MÜSİAD”ın fəaliyyətinə dair videoçarx nümayiş etdirilib.

Forumun açılış mərasimində gənclər və idman naziri Fərid Qayıbov, KOBİA-nın İdarə Heyətinin sədri Orxan Məmmədov, Türkiyənin gənclər və idman nazirinin müavini Enes Eminoğlu, “MÜSİAD Azərbaycan” İctimai Birliyinin sədri Rəşad Cabirli, “Gənc MÜSİAD”ın sədri Mağsun Usta çıxış ediblər.

50 ölkədən 3000-dən çox gənc sahibkarın iştirak etdiyi forum öz işini panel iclaslarla davam etdirib.

Globalart.az