Azərbaycan ən yaxşı seçildi

Malayziya və ümumilikdə Asiya regionunda nüfuzlu hesab olunan “Top 10 of Asia” və “Top 10 of Malaysia” jurnallarının keçirdiyi sorğunun nəticəsinə görə Azərbaycan “Asiyanın ən yaxşı mədəni və tarixi turizm ölkəsi” adına layiq görülüb.

Globalart.az xəbər verir ki, hər iki jurnalın arxasında duran “RHA Media” qurumu Kuala-Lumpurda təşkil etdiyi “TOP ASIA Corporate Ball 2025” adlı illik tədbirdə xüsusi mükafatı Azərbaycanın Malayziyadakı səfiri İrfan Davudova təqdim edib. Minə yaxın iştirakçının qatıldığı mərasimdə Malayziya və digər Asiya ölkələrindən rəsmi şəxslər, ictimaiyyət nümayəndələri, diplomatik missiyaların əməkdaşları, şirkət rəhbərləri, ekspertlər, blogerlər və media təmsilçiləri yer alıblar.

Tədbir təşkilatçıları Azərbaycanın son illərdə turizm sektorunda gördüyü genişmiqyaslı işləri, infrastrukturun yenilənməsini və ölkəmizə artan qlobal marağı əsas gətirərək Azərbaycanın regionun aparıcı turizm məkanlarından birinə çevrildiyini xüsusi qeyd ediblər.

Azərbaycanın bu mükafata layiq görülməsi ölkəmizin zəngin tarixi, mədəni müxtəlifliyi və beynəlxalq səviyyədə tanınan turizm imkanlarının yüksək dəyərləndirilməsinin daha bir təsdiqidir.

Həmçinin bildirilib ki, “Top 10 of Asia” və “Top 10 of Malaysia” jurnalları Asiyada hər ay 400 mindən çox oxucuya çatır və regionun ən çox izlənən nəşrlərindən sayılır.

Globalart.az