“Azərbaycan Astronomiya Jurnalı” Scopusa daxil edilib

Elm və Təhsil Nazirliyinin Nəsrəddin Tusi adına Şamaxı Astrofizika Rəsədxanasında bu il səma cisimlərinin fizika və dinamikası istiqamətində ulduz və qalaktikaların kompleks tədqiqi, eləcə də Günəş və Günəş sistemi cisimlərinin fizika və dinamikası problemləri üzrə 8 mövzu ətrafında tədqiqatlar yerinə yetirilib, mühüm elmi nəticələr əldə olunub.

Bu barədə Globalart.az-a Rəsədxananın icraçı direktoru fizika-riyaziyyat üzrə elmlər doktoru, professor Nəriman İsmayılov məlumat verib. O, il ərzində rəsədxana əməkdaşları tərəfindən 30 məqalənin çap edildiyini, onlardan 11-nin WoS və Scopus elmi bazalarına daxil olan jurnallarda öz əksini tapdığını qeyd edib. Əlavə edib ki, 51 tezis ölkə və beynəlxalq səviyyəli konfranslarda məruzə edilib. Professor N.İsmayılov rəsədxananın “Azərbaycan Astronomiya Jurnalı”nın Scopus elmmetrik bazasına daxil edildiyini vurğulayıb.