Əbu-Dabi Əmirliyinin Bələdiyyələr və Nəqliyyat Departamentinin sədri ilə görüş keçirilib

İqtisadiyyat Nazirliyində keçirilən görüşdə Əbu-Dabi Əmirliyinin Bələdiyyələr və Nəqliyyat Departamentinin sədri ilə birgə layihələrin perspektivləri üzrə fikir mübadiləsi aparılıb.

Globalart.az Azərbaycan Respublikasının İqtisadiyyat Nazirliyinə istinadən xəbər verir ki, iqtisadiyyat naziri Mikayıl Cabbarov Əbu-Dabi Əmirliyinin Bələdiyyələr və Nəqliyyat Departamentinin sədri Məhəmməd Əli Əl Şorafanın rəhbərlik etdiyi nümayəndə heyəti ilə görüşüb.

Görüşdə vurğulanıb ki, Birləşmiş Ərəb Əmirlikləri (BƏƏ) ilə ikitərəfli əlaqələr strateji tərəfdaşlıq səviyyəsinə yüksəlib. Yüksək səviyyəli qarşılıqlı səfərlər, keçirilən görüş və tədbirlər ölkələrimiz arasında əməkdaşlığın dinamik inkişafında önəmli rol oynayır.

Görüş zamanı Azərbaycanın əlverişli biznes və investisiya mühiti, ölkədə reallaşdırılan layihələr barədə məlumat verilib. Qeyd edilib ki, ölkələrimiz arasında enerji, sənaye, rəqəmsal həllər, kənd təsərrüfatı, qida təhlükəsizliyi, bankçılıq və digər sahələr üzrə birgə fəaliyyətin gücləndirilməsi üçün geniş potensial mövcuddur. 

Tərəflər birgə layihələrin perspektivləri, nəqliyyat, infrastruktur, yaşıl enerji, rəqəmsallaşma, ticarət və biznes sahəsində əməkdaşlığın təşviqi, qarşılıqlı investisiyaların artırılması üzrə fikir mübadiləsi aparıblar.

Globalart.az