Formula 1 yarışı uğurla yekunlaşıb
Bakıda Formula 1 Azərbaycan Qran-Prisi başa çatıb. Yarışın açılış mərasimi Azərbaycan Respublikasının Dövlət Himninin səsləndirilməsi ilə başlanıb. Globalart.az Gənclər və İdman Nazirliyinə istinadən xəbər verir ki, bu il himnimiz Xalq artisti Alim Qasımov və Fərqanə Qasımovanın ifasında təqdim olunub. Onların bənzərsiz ifası xüsusi səhnə kompozisiyası, üçrəngli bayrağımızı simvolizə edən vizual həllər və milli simvolumuz – səkkizguşəli ulduz ilə müşayiət edilib.
Ardınca Formula 1 Qatar Airways Azərbaycan Qran-Prisi 2025-in final yarışına start verilib. Ən yaxşı nəticəyə “Red Bull” komandasının üzvü Maks Ferstappen imza atıb. Finişə birinci çatan sürücü Azərbaycan Qran-Prisinin qalibi olub. Corc Rassell (“Mercedes”) ikinci, Karlos Saynz (“Uilliams”) üçüncü olub. Qalib idmançının və komandanın şərəfinə müvafiq olaraq Böyük Britaniya və Niderlandın Dövlət himnləri səsləndirilib.
Mükafatları Bakı Şəhər İcra Hakimiyyətinin başçısı Eldar Əzizov, gənclər və idman naziri Fərid Qayıbov, Azərbaycan Avtomobil Federasiyasının prezidenti Anar Ələkbərov və Bakı Şəhər Halqası Əməliyyat Şirkətinin baş direktoru Maqsud Fərzullayev təqdim ediblər.
Globalart.az
