“Gənclər Zirvəsi” – Qəbələ Qış Festivalı keçirilib

“Gənclər Həftəsi”nin son günündə Tufandağ Qış-Yay Turizm İstirahət Kompleksində 350 gəncin iştirakı ilə “Gənclər Zirvəsi” – Qəbələ Qış Festivalı keçirilib. Festivalda şəhid övladları, region gəncləri, Gənclər Evlərinin üzvləri, tələbələr, könüllülər və gənclər təşkilatlarının nümayəndələri iştirak ediblər.

Globalart.az Azərbaycan Respublikasının Gənclər və İdman Nazirliyinə istinadən xəbər verir ki, festivalın əsas məqsədi gənclər arasında balanslı həyat tərzini təşviq etmək, onların şəxsi və sosial inkişafını dəstəkləmək, qarşılıqlı əlaqələri gücləndirmək və regionlararası təcrübə mübadiləsini artırmaq olub.

Gənclər Bakıdan qatarla yola düşərək Qəbələdə gün ərzində müxtəlif fəaliyyətlərdə, eləcə də istedadlı gənclərin və musiqi qruplarının canlı çıxışlarında iştirak ediblər.

Globalart.az