Gökhan Özen Bakı konsertinə bayraqlarla çıxdı

Türkiyənin məşhur sənətçisi Gökhan Özen “Event Office”nin təşkilatçılığı ilə Bakıda konsert proqramı ilə çıxış edib.

Globalart.az xəbər verir ki, konsert Heydər Əliyev Sarayında baş tutub və musiqisevərlər tərəfindən böyük maraqla qarşılanıb.

Gecə boyunca sevilən hitlərini səsləndirən sənətçi səhnədə öz simfonik orkestri ilə birlikdə çıxış edərək tamaşaçılara fərqli və yüksək səviyyəli musiqi zövqü yaşadıb. Canlı ifa və simfonik aranjimanlar konsertə xüsusi ab-hava qatıb.

Gökhan Özenin Bakı konserti peşəkar təşkilatçılıq, güclü səhnə performansı və gür alqışlarla yadda qalıb.