Həmyerlimiz Moldovanın “Şərəf” ordeni ilə təltif edilib

Moldova Prezidenti Maya Sandu mədəniyyət, idman, təhsil, dövlət idarəçiliyi, tibb, iqtisadiyyat və elm sahələrində fəaliyyətlərinə görə bir sıra şəxsləri dövlət mükafatları ilə təltif edib.

Globalart.az “Oxu.az”a istinadən xəbər verir ki, təltif olunanlar arasında “Paris-2024” Yay Olimpiya Oyunlarında bürünc medal qazanmış azərbaycanlı cüdoçu Adil Osmanov da var. Moldova Prezidentinin Fərmanı ilə Adil Osmanov “Şərəf” ordeni ilə təltif edilib. Həmyerlimiz Moldova idmanının inkişafındakı müstəsna xidmətlərinə və bu sahədə əldə etdiyi yüksək nailiyyətlərə görə təltif olunub.

Globalart.az