Horovluda bayram sevinci

Horovlu kənd tam orta məktəbində 31 Dekabr – Dünya Azərbaycanlılarının Həmrəyliyi Günü və Yeni il münasibətilə bayram tədbiri keçirilib. Globalart.az xəbər verir ki, tədbirdə məktəbin müəllim və şagird kollektivi, şəhid ailə üzvləri və valideynlər iştirak ediblər.
Bayram proqramında şagirdlər tərəfindən Yeni ilə həsr olunmuş şeirlər səsləndirilib, maraqlı səhnəciklər göstərilib, rəqs və musiqi nömrələri nümayiş etdirilib. Şaxta baba və Qar qızın tədbirdə iştirakı uşaqların sevincini daha da artırıb, onların üzündə təbəssüm yaradıb. Yenidən qurulan Horovlunun balaca sakinləri üçün təşkil olunan bu bayram tədbiri səmimi, sevincli və yaddaqalan olub.