KOB-ların innovativ həlləri “CIDC 2025” festivalında təqdim edilib

KOBİA-nın stendində Agentliyin KOB-ların rəqəmsallaşdırılması, startaplara və innovativ bizneslərə dəstəyi barədə də məlumat verilib.

Globalart.az “KOBİA”a istinadən xəbər verir ki, Bakı Konqres Mərkəzində Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidməti və Dövlət Təhlükəsizliyi Xidmətinin təşkilatçılığı ilə keçirilən “CIDC 2025 – Critical Infrastructure Defence Challenge” festivalının kibertəhlükəsizlik sərgisində Kiçik və Orta Biznesin İnkişafı Agentliyi (KOBİA) öz stendi ilə təmsil olunub.

Agentliyin stendində İKT və texnologiya sahəsində fəaliyyət göstərən sahibkarların və startapların kibertəhlükəsizlik üzrə məhsul və xidmətləri nümayiş olunub. Həmçinin, stenddə KOBİA-nın KOB-ların rəqəmsallaşdırılması, startaplara və innovativ bizneslərə dəstəyi, o cümlədən “Startap” şəhadətnaməsi, qrant, ödənişsiz təlim və məsləhət xidməti barədə festival iştirakçılarına məlumat verilib.

Globalart.az