Maria Grazia Chiuri Fendi-yə Baş Kreativ Direktor kimi qayıdır

İtalyan dizayner Maria Grazia Chiuri bu gün rəsmi olaraq Fendi moda evinin baş kreativ direktoru təyin olundu. O, öz ilk kolleksiyasını 2026 Payız/Qış mövsümü üçün gələn ilin fevralında Milan Moda Həftəsində təqdim edəcək.

Bu təyinat Chiuri-nin Dior evindən ayrılmasından cəmi altı ay sonra baş verdi. Bu, dizayner üçün bir növ “evə dönüş” sayılır. Roma əsilli Chiuri 1989–1999-cu illər arasında Fendi-də aksesuar dizayneri kimi çalışıb və məhz onun rəhbərliyi altında brendin ikonik Baguette çantası yaradılıb.

LVMH qrupunun sədri və baş direktoru Bernard Arnault bu barədə bildirib ki,

“Maria Grazia Chiuri bu gün modanın ən böyük yaradıcılıq istedadlarından biridir. Onun Fendi-yə qayıdaraq yaradıcılığını LVMH qrupunun daxilində davam etdirməsi məni çox sevindirir. Fendi komandası və özünə doğma şəhəri ilə əhatələnmiş şəkildə Maria Grazia-nın evin bədii yenilənməsinə və gələcək uğurlarına mühüm töhfə verəcəyinə inanıram.”

Globalart.az