Milli Məclisin Deputatları Sloveniyaya səfər edəcəklər
A
A
Globalart.az Milli Məclisin Mətbuat və ictimaiyyətlə əlaqələr şöbəsinə istinadən xəbər verir ki, Milli Məclisin Sloveniya ilə parlamentlərarası əlaqələr üzrə işçi qrupunun rəhbəri Ağalar Vəliyev və qrupun üzvü Heydər Əsədov fevralın 9-da Sloveniya Respublikasının Lyublyana şəhərinə səfər edəcəklər.
Sloveniya Milli Assambleyasının Azərbaycanla əlaqələr üzrə işçi qrupu rəhbərinin dəvəti əsasında baş tutacaq səfər çərçivəsində deputatlarımız bir sıra görüşlər keçirəcək və parlamentlərarası əlaqələrin bu günü və gələcək inkişafı barədə müzakirələr aparacaqlar.
Səfər fevralın 12-də başa çatacaq.
Globalart.az
