Musikverein: Vyananın musiqi ürəyi, səslərin qızıl sarayı

Vyana deyildikdə ağla ilk olaraq klassik musiqi, Motsart, Bethoven və Ştraus gəlir. Bu musiqi irsinin canlı şəkildə döyündüyü ən möhtəşəm məkanlardan biri isə şübhəsiz ki, Musikverein konsert zalıdır. Rəsmi adı Wiener Musikverein olan bu bina təkcə Avstriyanın deyil, bütün dünyanın ən nüfuzlu musiqi məkanlarından sayılır.

Globalart.az bildirir ki, Musikverein 1870-ci ildə məşhur memar Theophil Hansen tərəfindən inşa edilib. Binanın memarlığı qədim yunan məbədlərini xatırladan neoklassik üslubda hazırlanıb. Qızılı rənglər, heykəllər və incə ornamentlər musiqi ilə vizual sənətin harmoniyasını yaradır.

Musikvereinin ən məşhur zalı “Qızıl Zal” (Goldener Saal) hesab olunur və dünyanın ən mükəmməl akustikasına malik məkanlardan biridir. Maraqlısı odur ki, bu akustika heç bir müasir texnologiyaolmadan əldə edilib.

Bütün bunlar səsin ideal şəkildə əks olunmasına səbəb olur.

Musikverein-in möhtəşəm akustikası əvvəlcədən planlaşdırılmış bir sirr deyil — memar Theophil Hansen bu qədər mükəmməl səs effekti yaranacağını öncədən təsəvvür etmirdi.

Qızıl Zalın divarlarını və tavanını bəzəyən heykəllərin içi boşdur; bu memarlıq detalı səsin rezonansını gücləndirərək ideal akustika yaradır.

Burada çıxış edən musiqiçilərin sözlərinə görə, səhnədə deyilən ən zəif pıçıltı belə zalın son sıralarına qədər aydın şəkildə çatır.

Dünyaca məşhur Vyana Filarmoniya Orkestrinin əsas və daimi səhnəsi məhz Musikverein hesab olunur.

Hər il yanvarın 1-də bu məkanda təşkil olunan ənənəvi Yeni İl Konserti milyonlarla tamaşaçı tərəfindən bütün dünyada canlı yayımla izlənilir

Musikverein təkcə konsert zalı deyil, eyni zamanda bir ənənə mərkəzidir. 1939-cu ildən etibarən burada keçirilən Vyana Filarmoniyasının Yeni İl Konserti klassik musiqi sevərləri üçün simvolik tədbirə çevrilib.

Bu məkanda səslər təkcə eşidilmir – hiss olunur. Burada hər nota tarixlə, sənətlə və ruhla qovuşur. Musikverein musiqinin zaman və məkan tanımadığını sübut edən canlı bir abidədir.

Globalart.az