Nə üçün kruiz səyahətini seçməliyik?
Tətil anlayışına yeni bir baxış qatmaq, eyni anda həm rahatlanmaq, həm də fərqli ölkələri kəşf etmək istəyənlər üçün kruiz səyahətləri ideal seçimdir.
1. Hər səhər fərqli mənzərəyə oyanmaq – özü də çamadanı açıb-bağlamadan
Tətilin ən sevilməyən tərəflərindən biri çamadanı dəfələrlə açıb-yığmaqdır. Xüsusilə bir neçə şəhər və ölkə gəziləcəksə, bu proses daha da yorucu olur. Kruiz səyahətində isə çamadanınızı cəmi bir dəfə açırsınız və hər səhər tamam fərqli, möhtəşəm mənzərələrə oyanırsınız. Siz sadəcə tətilin dadını çıxarırsınız.
2. Saatın və günün neçə olduğunu unutmaq
Tətilin ən gözəl hissəsi zaman anlayışını itirməkdir. Kruiz səyahətləri sizi gündəlik həyatdan tamamilə ayırır. Gəmidə əyləncə heç vaxt bitmir – gecə-gündüz, hər yaş üçün uyğun proqramlar var. Vaxtın necə keçdiyini hiss etməyəcəksiniz.
3. Daha az ödəyib daha çox şey əldə etmək
Tətil planı qurarkən çox vaxt xərclər insanı qorxudur. Amma kruiz səyahəti əslində tam pansiyon konaklama, yüksək komfort, hər gün yeni ölkələr və şəhərlər, limitsiz əyləncə və dünya mətbəxlərini bir arada təqdim edir. Yəni ödədiyiniz məbləğin qarşılığını fazlası ilə alırsınız.
4. Yol yorğunluğu olmadan yeni yerlər kəşf etmək
Çox gəzmək istədikdə bədən hər zaman bu tempə hazır olmur. Kruiz səyahətinin üstünlüyü də məhz bundadır: siz gəminin içində istirahət edib əylənərkən, o sizi başqa bir ölkəyə aparır. Yorulmadan, stresssiz səyahət edirsiniz.
5. Təcrübə yalnız çöldə deyil, gəminin içində də davam edir
Kruiz tətillərində səyahət etdiyiniz ölkələrdə gəzib-dolaşdıqdan sonra geri döndüyünüz yer də yenə tətilin özüdür. Restoranlar, şoular, hovuzlar, spa və müxtəlif əyləncələr sayəsində tətil heç vaxt dayanmır.
6. “Ac qaldım” problemi yoxdur
Bəzən getdiyimiz ölkələrin mətbəxi zövqümüzə uyğun olmur və ya gözlənilməz saatlarda acırıq. Kruiz gəmilərində isə bu mümkün deyil. Gündə üç dəfə əsas restoranlar, 20 saat xidmət göstərən açıq büfələr və gün boyu ikramlar var. Kilo almaqdan qorxmayın – dəniz mənzərəli idman zallarında kalori yandırmaq da mümkündür.
7. Uşaqlarla tətili daha rahat və əyləncəli etmək
Uşaqlarla tətil çətin görünə bilər, amma kruiz səyahətləri bu anlayışı dəyişir. Gəmilərdə hər yaş qrupu üçün ayrıca uşaq klubları mövcuddur. Uşaqlar əylənərkən, valideynlər də rahatlıqla tətilin keyfini çıxara bilirlər.
Globalart.az
