Nyu-Yorkda Sotheby’s və Christie’s 2,2 milyardlıq satış edib

Nyu-Yorkdakı Sotheby’s və Christie’s satışlarında rekord nəticələr əldə olunub.

Globalart.az xəbər verir ki, keçirilən Müasir və çağdaş incəsənət hərracları $2.2 milyardlıq satışla uğur qazandı. Gustav Klimt-in Elisabeth Lederer portreti $236.4 milyon, Van Gogh-un “Kitablar” əsəri $62.7 milyon, Frida Kahlo-nun özportreti isə $54.7 milyon qarşılığında satıldı.

Ekspertlər bildirir ki, bazarın zirvəsində inam bərpa olunub və ultra zəngin alıcılar yüksək qiymətli əsərləri almağa davam edir. Lakin gənc və orta səviyyəli rəssamların əsərləri gözlənilən qiymətləri qarşılamadığı üçün qalereya sektoru çətinlik çəkir. Bu, incəsənət bazarının “K-şəkilli” bərpasını göstərir: yuxarı səviyyə güclü olsa da, aşağı və orta səviyyələr hələ tənəzzüldədir.

Yeni bazar imkanları olaraq 2026-cı ildə Art Basel Qatar və Frieze Abu Dhabi sərgiləri diqqət mərkəzində olacaq.

Globalart.az