Səfir ANAMA-da olub

Azərbaycan Respublikası Minatəmizləmə Agentliyinin(ANAMA) İdarə Heyətinin sədri Vüqar Süleymanov Misir Ərəb Respublikasının ölkəmizdə yeni təyin olunmuş fövqəladə və səlahiyyətli səfiri Houssam-Eldine Reda ilə görüş keçirib.

Bu barədə Globalart.az-a ANAMA-nın mətbuat xidmətindən məlumat verilib.

Bildirilib ki, görüşdə Agentliyin qarşısında duran vəzifə və hədəflər, işğaldan azad edilmiş ərazilərin mina və digər partlayıcı sursatlarla çirklənmə miqyası, həmçinin “Böyük Qayıdış” Proqramı çərçivəsində icra edilən humanitar minatəmizləmə fəaliyyətinə dair görülən işlər barədə səfirə ətraflı məlumat verilib.

Görüş zamanı mina təhlükəsi ilə mübarizə istiqamətində qarşılıqlı faydalı əməkdaşlıq və təcrübə mübadiləsi, o cümlədən həmin ölkə tərəfindən bu sahədə dəstək göstərilməsi imkanları müzakirə edilib.

Globalart.az