Şuşa məktəbliləri Yeni il bayramını qeyd ediblər

Şuşa şəhər 1 nömrəli tam orta məktəbdə 31 Dekabr – Dünya Azərbaycanlılarının Həmrəyliyi Günü və Yeni il münasibətilə tədbir keçirilib.

Globalart.az xəbər verir ki, Qarabağ Regional Təhsil İdarəsinin müdiri Sənan Mənsimli, Şuşa rayonunda Azərbaycan Respublikası Prezidentinin xüsusi nümayəndəliyinin əməkdaşı İsmayıl İsmayılov, Şuşa şəhəri 1 nömrəli tam orta məktəbin direktoru Səbinə Gözəlova çıxış edərək, şagirdləri və məktəb kollektivini Həmrəylik Günü və Yeni il münasibətilə təbrik edib, xoş arzularını çatdırıblar. Şuşada belə tədbirin keçirilməsinin qürurverici olduğu qeyd edilib, müəllimlərin daha yüksək məsuliyyət və peşəkarlıqla çalışmağının vacibliyi vurğulanıb.

Tədbir çərçivəsində şagirdlər rəqs və musiqi nömrələri ilə çıxış edib, səhnəciklər və bədii kompozisiyalar nümayiş olunub.