Türk Dövlətlərinin Əməkdaşlıq Günü
Azərbaycan Respublikasının Prezidenti Cənab İlham Əliyev sosial şəbəkələrdə 3 oktyabr – Türk Dövlətlərinin Əməkdaşlıq Günü münasibətilə paylaşım edib. Dövlət başçısı paylaşımında qeyd edib:
“3 oktyabr – Türk Dövlətlərinin Əməkdaşlıq Günüdür.
Məhz bu gün 2009-cu ildə qədim Azərbaycan torpağı olan Naxçıvanda Türk Dövlətləri Təşkilatının əsası qoyulmuşdur.
Bu əlamətdar gün münasibətilə Türk dünyasını səmimi-qəlbdən təbrik edirəm.
Türk dünyası bizim ailəmizdir!
Ötən 16 il ərzində təşkilatımız güclənmiş, dünya miqyasında böyük nüfuz qazanmış, sıralarımız genişlənmişdir.
Türk Dövlətləri Təşkilatı ölkələrimiz arasında siyasi, iqtisadi və humanitar sahələrdə əməkdaşlığın gücləndirilməsinə, Türk xalqları arasında həmrəyliyin daha da möhkəmlənməsinə böyük töhfə vermişdir.
Azərbaycan Türk dünyasının birliyinin gücləndirilməsi istiqamətində səylərini bundan sonra da davam etdirəcək. Qardaşlığımız əbədidir!”
Globalart.az
