2026-cı il mayın 25-də Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirədə dövlətimizin başçısı tərəfindən qarşıya qoyulmuş vəzifələr aqrar sahənin inkişafında tam yeni mərhələ yaradır.
Global Art AZƏRTAC-a istinadən xəbər verir ki, bu sözləri Milli Məclisin deputatı Rizvan Nəbiyev "Azərbaycanın kənd təsərrüfatının inkişafında yeni prioritetlər” mövzusunda keçirilən ictimai müzakirədə söyləyib.
R.Nəbiyev bildirib ki, Azərbaycan Prezidentinin kənd təsərrüfatının inkişafına dair konkret hədəfləri olan, dövlət və özəl sektorun imkanlarını vahid platformada birləşdirən yeni Dövlət Proqramının hazırlanması ilə bağlı tapşırıqları ərzaq təhlükəsizliyinin möhkəmləndirilməsi, idxaldan asılılığın azaldılması və yerli istehsalın rəqabət qabiliyyətinin artırılması baxımından mühüm əhəmiyyət daşıyır.
Deputatın sözlərinə görə, aqrar profilli QHT-lər də ideya və təklifləri ilə bu prosesdə fəal iştirak etməli, dərinləşdirilən islahatlara layiqli töhfə verməlidir.
Global Art
