Azərbaycan Prezidenti İlham Əliyev İsmail Uld Şeyx Əhmədi İslam Əməkdaşlıq Təşkilatının (İƏT) Baş katibi vəzifəsinə seçilməsi münasibətilə təbrik edib.
Global Art AZƏRTAC-a istinadən xəbər verir ki, dövlətimizin başçısı bununla bağlı məktubunda Baş katibə qarşıdakı məsul fəaliyyətində müvəffəqiyyətlər arzulayıb.
Prezident İlham Əliyev Azərbaycanın İƏT ilə əməkdaşlığa xüsusi önəm verdiyini və əlaqələrimizin bugünkü səviyyəsinin məmnunluq doğurduğunu diqqətə çatdırıb.
İsmail Uld Şeyx Əhmədin bu mötəbər təşkilata rəhbərliyinin İƏT-in qarşısında duran mühüm vəzifələrin həyata keçirilməsinə, İslam həmrəyliyinin güclənməsinə xidmət edəcəyinə inandığını bildirən Azərbaycan Prezidenti Baş katibə bir daha möhkəm cansağlığı, xoşbəxtlik, İslam dünyasının rifahı naminə şərəfli işində uğurlar arzulayıb.
